Ինչպես հայտնում է Երևանի քաղաքապետարաը, Մայրաքաղաքում անցկացվել է «Ուտեստ ֆեստ» տոնածիսական ուտեստների փառատոնը:
Միտքը իրագործվել է Երևանի քաղաքապետարանի նախաձեռնությամբ՝ «Հայ խոհարարական ավանդույթների զարգացման և պահպանման» ՀԿ-ի հետ: Նպատակը հայկական ավանդական տոնածիսական ուտեստների և հայկական տոնացույցի կերակրատեսակները հանրայնացնելն է:
Խաչքարերի պուրակում՝ շուրջ 30 տաղավարում, խոհանոցային ոլորտի կազմակերպությունները, ռեստորանները, հանրային սննդի տեղական արտադրողները, քոլեջներն ու ուսումնարանները ներկայացրել են եկեղեցական տաղավար և հայկական ավանդական տոները, դրանց խորհուրդը, ծիսական ավանդույթները և ուտեստները:
Առանձին ներկայացվել են նաև հայկական հուշանվերներ:
Փառատոնին ուղեկցեց հայկական ազգային երգն ու պարը: Միջոցառմանը մասնակցել են բազմաթիվ երևանցիներ ու քաղաքի օտարազգի հյուրեր:
Փառատոնին առանձնացվել են ամենահամեղ, ամենահյուրընկալ և հետաքրքիր ձևավորմամբ տաղավարները, նաև լավագույն ուտեստը:
ԽՈՐՀՈւՐԴ Է ՏՐՎՈւՄ ԿԱՐԴԱԼ
