Հայ Առաքելական Եկեղեցու Արագածոտնի թեմը հայտարարություն է տարածել նախկինում ծառայող Ստեփան Ասատրյանի (նախկին Տեր Արամ) և Արամայիս Թախմազյանի (նախկին Տեր Թադե) կարգալույծ լինելուց հետո ծառայություններ մատուցելու կապակցությամբ։
«Սիրելի հավատացյալներ, վերստին տեղեկացնում ենք, որ Արագածոտնի թեմում նախկինում ծառայող Ստեփան Ասատրյանը (նախկին Տեր Արամ) եւ Արամայիս Թախմազյանը (նախկին Տեր Թադե) կարգալույծ եղած են, եւ իրենց կատարած ոչ մի «արարողություն» (մկրտություն, կնունք, պսակադրություն, հուղարկավորոթյուն, պատարագ, տնօրհնեք կամ այլ «ծեսեր» ) վավերական չեն։ Մեր պարտքն ենք համարում տեղեկացնել ձեզ, որպեսզի ակամայից չսխալվեք եւ մեղք չգործեք»,- նշված է հայտարարության մեջ։