Քննարկվել է դպրոցների ֆինանսավորման նոր կարգը, հայտնում են ՀՀ ԿԳՄՍՆ Facebook-ի պաշտոնական էջում։
Նշվում է, որ դասղեկների վարձատրության համար առաջարկվել է կիրառել 10-20 տոկոս հավելավճար` ըստ դասարանում աշակերտների թվի:
Մեթոդմիավորման նախագահների համար առաջարկվում է 10 տոկոս հավելավճար:
Միաժամանակ նոր կարգի անցումային դրույթներով նախատեսվում է, որ եթե ֆինանսավորման նոր կարգի գործարկման պահին դպրոցներում առկա դրույքաչափերն ավելի բարձր են, քան նախատեսվում է նոր կարգով, ապա պահպանվում է ավելի բարձր աշխատավարձը:
«Խնդիրներին պետք է նայել, ոչ թե իրավիճակի, այլ ընդհանուր քաղաքականության համատեքստում: Այժմ մշակվում է նաև ուսումնական հաստատություններին լրացուցիչ ֆինանսավորում տրամադրելու կարգը, որը դպրոցներին հնարավորություն կտա կատարողական ցուցանիշների հիման վրա ունենալ նաև հավելյալ ֆինանսական միջոցներ»,- նշել է նախարարի տեղակալ Ժաննա Անդրեասյանը։
https://www.facebook.com/MoESCS.Armenia/posts/2974577322769542?__cft__[0]=AZU9A5pXUrXVZciLwSMdlo-k5t55oYiXiREVFefI-n5gKoD6-acwIucNYjw1P2xq-GYkh2GGApm6dyTkgzOnY78vhlcTxOPnapH05eM4g0I64qltMBwZ58pXUWYCG92-_YSaASaeD5EkU-bk7lg5vHwJN5zzF3OjSoa4r1yV_LeNmA&__tn__=%2CO%2CP-R
ԽՈՐՀՈւՐԴ Է ՏՐՎՈւՄ ԿԱՐԴԱԼ
