SpaceX-ի, Tesla-ի և Twitter-ի սեփականատեր, միլիարդատեր Իլոն Մասկը դարձել է աշխարհում առաջին մարդը, ով 200 միլիարդ դոլար է կորցրել, հայտնում է Bloomberg-ը։
Նրա կարողությունը գագաթնակետին կազմում էր մինչև 340 միլիարդ դոլար՝ այս արժեքին հասնելով մինչև 2021 թվականի նոյեմբերի 4-ը: Միաժամանակ նա դարձավ աշխարհում երկրորդը Ջեֆ Բեզոսից հետո, ով 200 միլիարդ դոլար կարողություն է կուտակել։
Մասկի հարստության կտրուկ անկումը պայմանավորված է նրանով, թե ինչպես են Tesla-ի բաժնետոմսերը 2022 թվականի վերջին շաբաթների ընթացքում ընկել, այդ թվում՝ երեքշաբթի՝ դեկտեմբերի 27-ին, գրանցվել է 11% անկում: Դառնալով էլեկտրական մեքենաների համաշխարհային շուկայի պիոներներից մեկը, ըստ Bloomberg-ի՝ Մասկը մրցակիցների պատճառով կորցնում է դիրքերը. այս պահին Tesla-ն մեծ զեղչեր է առաջարկում հաճախորդներին՝ «ջրի երեսին մնալու» համար: