Անթիլիասի կայքէջը հայտնում է, որ Մեծի Տանն Կիլիկիո Ն.Ս.Օ.Տ.Տ. Արամ Ա. Կաթողիկոսը հեռախոսազրույցներ է ունեցել Արցախի Հանրապետության նախկին և նորընտիր նախագահների հետ։
Բակո Սահակյանի հետ զրույցում անդրադարձ է եղել անցած տարիների ընթացքում Արցախի առավել հզորացման հարցում իրենց սերտ գործակցությանը։
Այնուհետև Արայիկ Հարությունյանի հետ զրույցի ընթացքում, Վեհափառ Հայրապետը վերահաստատել է նույն ոգով ու հանձնառությամբ Մեծի Տանն Կիլիկիո կաթողիկոսության գործակցությունը Արցախի Հանրապետության հետ։ Նորընտիր նախագահը հիշել է իր հաճախակի այցելությունները Անթիլիասի մայրավանք, ինչպես նաև հիշատակել Արցախի բարգավաճման գործում Մեծի Տանն Կիլիկիո կաթողիկոսության նպաստը։
