Երեկ հայկական ակումբները մեկնարկեցին նաև Կոնֆերենցիաների Լիգայում։
Երևանի «Արարատը» արտագնա հանդիպում անցկացրեց հունգարական «Ֆեհերվարի» հետ։
Ընդհանուր առմամբ հավասար ընթացած խաղում հաշիվը բացեցին տան տերերը, բայց միայն հիմնական ժամանակի ավարտից 6 րոպե առաջ․ 84-րդ րոպեին տպավորիչ գոլ հեղինակեց Մարսել Հայստերը։ Բայց, ավելացված ժամանակի 3-րդ րոպեին ոչ պակաս շքեղ գոլով փայլեց հայկական ակումբի հարձակվող Դմիտրի Պոբուլիչը։
Այսպիսով՝ այս թիմերի միջև առաջին դիմակայությունն ավարտվեց ոչ-ոքի։ Պատասխան հանդիպումը կկայանա Հայաստանում՝ հուլիսի 15-ին։