Ֆրանսիայում բացվել է լուսանկարիչ Անտուան Ագուջյանի ցուցահանդեսը՝ նվիրված Արցախին։
Այս մասին տեղեկանում ենք Ֆրանսիայում ՀՀ դեսպանության Facebook-ի պաշտոնական էջից։
- Վահրամ Դումանյանը Փարիզում հանդիպել է Ֆրանսիայի մշակույթի նախարարին
- Մահացել է Սերգեյ Փարաջանովի որդին
«Ֆրանսիայի Ալֆորվիլ քաղաքի Le 148 մշակութային կենտրոնում Իլ-դը-Ֆրանս ռեգիոնի 2021թ. թանգարանային գիշերվա շրջանակներում բացվել է ֆրանսահայ լուսանկարիչ Անտուան Ագուջյանի՝ Արցախին նվիրված «Տոկունություն» (Résilience) խորագրով լուսանկարների ցուցահանդեսը։
Ցուցահանդեսի և մշակութային կենտրոնի բացման արարողությանը ներկա էին Ալֆորվիլի քաղաքապետ Լյուկ Կարվունասը, ցուցահանդեսի հեղինակ Անտուան Ագուջյանը, Ֆրանսիայում Արցախի մշտական ներկայացուցիչ Հովհաննես Գևորգյանը, Ֆրանսիայում ՀՀ դեսպանության առաջին քարտուղար Հայկ Խեմչյանը։
Ցուցահանդեսը, որն այցելուների համար բաց կլինի մինչև հոկտեմբերի 23-ը, ներկայացնում է Արցախի դեմ սանձազերծված 44-օրյա պատերազմի արհավիրքները», – ասված է դեսպանության տարածած հայտարարության մեջ։
