Օգոստոսի 17-ին Երևանի ընդհանուր իրավասության դատարանում «Հայաստան» խմբակցության պատգամավոր Արմեն Գևորգյանի գործով քննության ժամանակ փաստաբան Էրիկ Ալեքսանյանը միջնորդել է Արմեն Գևորգյանի հանդեպ քրեական հետապնդումը շարունակելու անհնարինությունը քննարկելու մասին:
Դատավոր Աննա Դանիբեկյանը նշել է, որ դատարանը կսպասի ՍԴ որոշմանը և չի քննարկի հարցը։
Ալեքսանյանի խոսքով, եթե դատարանը դա չի դիտարկում սեփական նախաձեռնությամբ, ապա նա պատրաստ է միջնորդություն ներկայացնել։
Ստանալով դատավորի համաձայնությունը՝ փաստաբանը ներկայացրեց միջնորդություն, համաձայն որի քրեական հետապնդումը անձեռնմխելիության շրջանում չի կարող իրականացվել առանց դրա հաղթահարման։
Դատարանը որոշել է հետաձգել միջնորդության քննությունը՝ մինչև «Հայաստան» խմբակցության կողմից նույն հարցով ՍԴ ուղարկվելիք դիմումի քննության ավարտը:
Արմեն Գևորգյանը խնդրել է նիստը չնշանակել ԱԺ նիստի հետ նույն օրը, սակայն Դանիբեկյանը մերժել է Գևորգյանի խնդրանքը։
Հաջորդ նիստը տեղի կունենա օգոստոսի 24-ին, ժամը 13:00-ին։
ԽՈՐՀՈւՐԴ Է ՏՐՎՈւՄ ԿԱՐԴԱԼ
