Հայաստանի Հանրապետության գլխավոր հյուպատոսը Հալեպում, բախումների սրման և քաղաքի ընդդիմության վերահսկողության տակ անցնելուց հետո, իր աշխատանքը շարունակում է Դամասկոսից։ Ըստ «Գանձասար» լրատվականի՝ ՀՀ հյուպատոսը նախքան բախումների սկիզբը մեկնել է Դամասկոս, որտեղ պետք է հանձներ իր հավատարմագրերը, սակայն հետագայում դեպի Հալեպ տանող ճանապարհը փակվել է։
Հալեպի հայ համայնքի ներկայացուցիչները հայտնել են, որ ՀՀ Մարդասիրական խումբն ու հյուպատոսը Հալեպից մեկնելու մասին որևէ նախնական տեղեկություն չեն ունեցել, ինչը անհանգստություն է առաջացրել։ Սակայն, գլխավոր հյուպատոսն կապ է հաստատել համայնքի պատասխանատուների հետ և պարզաբանել իր գտնվելու վայրը և աշխատանքային պայմանները։
Նախորդ տարիների ընթացքում, նույնիսկ սիրիական ճգնաժամի ամենաբուռն շրջանում, Հայաստանի հյուպատոսությունը սերտորեն համագործակցել է Հալեպի հայ համայնքի հետ՝ աջակցելու նրանց կարիքներին և անվտանգության պահպանմանը։ Ներկա դժվարին իրավիճակում ևս, համայնքը և հյուպատոսությունը շարունակում են համատեղ աշխատանքը՝ ապահովելու համայնքի գոյատևումն ու անվտանգությունը։
Հալեպի հայ համայնքի համար ՀՀ Գլխավոր հյուպատոսության գործունեությունը մնում է կարևոր՝ մարդասիրական և դիվանագիտական առումով։ Այս համագործակցությունը համայնքի համար թե՛ սփոփանք է, թե՛ անվտանգության և աջակցման աղբյուր։
ԽՈՐՀՈւՐԴ Է ՏՐՎՈւՄ ԿԱՐԴԱԼ
