Աշխարհի կաթոլիկները, բողոքականները, Անգլիկան եկեղեցու հետևորդները և մի շարք ուղղափառներ, որոնք հետևում են Գրիգորյան տոմարին, երեքշաբթի նշում են Քրիստոսի Ծնունդը: Հռոմի Ֆրանցիսկոս պապը գիշերը գլխավորել է հանդիսավոր ժամերգությունը Վատիկանի Սուրբ Պետրոսի գլխավոր կաթոլիկական տաճարում, որն ուղիղ եթերով հեռարձակվել է ամբողջ աշխարհով, հայտնել է Սուրբ աթոռի մամուլի ծառայությունը:
Կեսօրին ավանդական սուրբծննդյան ուղերձ կլինի: Վերջին բոլոր շաբաթներին քահանայապետն իր քարոզներում հիշեցնում էր, որ հարկավոր է «բերկրանք ապրել Փրկչի ծննդյան լույսից» և ճիշտ ընկալել այս տոնի նշանակությունը՝ այն չվերածելով սոսկ կերուխումի և նվերների:
«Սուրբ Ծնունդը համեստության և խոնարհության հաղթանակն է անբարեկրթության նկատմամբ, պարզության հաղթանակն անժուժկալության, լռության հաղթանակն անհեթեթ ժխորի եւ ունայնության նկատմամբ: Հիսուսն ինքը մեր ամենամեծ պարգեւն է»,- ասել է Ֆրանցիսկոսը դեկտեմբերի 19-ին կայացած կոլեկտիվ ունկնդրությանը:
Աշխարհում կաթոլիկների թիվը հասնում է 1,2 միլիարդի:
![](https://azat.tv/wp-content/uploads/2022/09/azattvlogoblack.png)