Լուկա Էրնանդեսը կարիերան կշարունակի «Բավարիայում»:
«Բավարիան» հայտարարել է 23-ամյա պաշտպանի տեղափոխության մասին: Կողմերի միջև կնքվել է 5-ամյա պայմանագիր:
«Բավարիան» 80 մլն եվրո է վճարել «Աթլետիկոյին»:
Էրնանդեսը «Բավարիայում» կստանա տարեկան 13 մլն եվրո աշխատավարձ, դա նրան թիմի ամենաբարձր աշխատավարձ ունեցող ֆուտբոլիստը կդարձնի:
«Այսօր ինձ համար շատ կարևոր օր է: «Բավարիան» Եվրոպայի և աշխարհի լավագույն ակումբներից մեկն է: Հպարտ եմ, որ ապագայում տիտղոսներ նվաճելու համար պայքարելու եմ «Բավարիայի» հետ:
Ցանկանում եմ շնորհակալություն հայտնել «Աթլետիկոյին», ակումբի ղեկավարությանը, մարզիչներին, թիմակիցներին այս հրաշալի 12 տարիների համար:
«Աթլետիկոն» կմնա իմ սրտում: Հիմա ես ուրախ եմ, որ հաջորդ քայլս անելու եմ «Բավարիայի» հետ»,- Էրնանդեսի խոսքն է մեջբերում «Բավարիայի» պաշտոնական կայքը:
ԽՈՐՀՈւՐԴ Է ՏՐՎՈւՄ ԿԱՐԴԱԼ
