Ամերիկյան Amazon կորպորացիան մտադիր է այս տարի մեկնարկել անօդաչու սարքերի միջոցով փոքր ծանրոցների առաքումը ԱՄՆ-ում։ Այս մասին ասվում է ընկերության հաղորդագրության մեջ։
Նշվում է, որ Amazon-ի հաճախորդները, որոնք բնակվում են Կալիֆոռնիայի Լոքֆորդ քաղաքում, կլինեն առաջիններից, որոնք առաքում կստանան Prime Air-ից։
Անօդաչուները կմատակարարեն մինչև 2,2 կգ քաշով փաթեթներ, ինչպիսիք են կոսմետիկա, գրենական պիտույքներ, մարտկոցներ և թեթև կենցաղային ապրանքներ: Անօդաչու թռչող սարքը մեկ ժամից էլ քիչ ժամանակում պետք է թռչի դեպի նշանակման վայր, այնուհետև փաթեթը գցի ստացողի բակ: