Երեկ՝ դեկտեմբերի 21-ին, ժամը 19։58-ին ահազանգ է ստացվել, որ Իջևան-Նոյեմբերյան ավտոճանապարհի 2-րդ կմ-ին տեղի է ունեցել ՃՏՊ, կան տուժածներ։
Այս մասին տեղեկանում ենք ՀՀ ԱԻՆ պաշտոնական կայքից։
- Չեխովի փողոցի տներից մեկում ամուսինների դիեր են հայտնաբերվել
- Երևան-Սևան ավտոճանապարհին մեքենաներ են բախվել․ կան տուժածներ
Նշվում է, որ դեպքի վայր է մեկնել ԱԻՆ ՓԾ մարզային փրկարարական վարչության հրշեջ-փրկարարական ջոկատից մեկ մարտական հաշվարկ։
Ըստ աղբյուրի՝ պարզվել է, որ Մ-4 ավտոճանապարհի Իջևան-Նոյեմբերյան հատվածի 3-րդ կմ-ին բախվել են «Opel Astra» (վարորդ՝ Հ․ Մ․, ծնված 1956 թ.), «BMW X5» (վարորդ՝ Մ․ Ղ․, ծնված 1993 թ․) և «Range Rover» (վարորդ՝ Ա․ Ս․, ծնված 1984 թ.) մակնիշների ավտոմեքենաները․ «Opel Astra» մակնիշի ավտոմեքենայի վարորդը, ուղևորներ Գ․ Գ․-ն (ծնված 1959 թ.) և Ա․ Ա․-ն (ծնված 1960 թ.) տեղում մահացել են:
Նշվում է նաև, որ մինչ փրկարարների կանչի վայր հասնելը՝ «Opel Astra» մակնիշի ավտոմեքենայի ուղևոր Ա․ Ա․-ն (ծնված 1995 թ.) տեղի ուժերով դուրս է բերվել ավտոմեքենայից և տեղափոխվել Իջևանի ԲԿ, որտեղ բժիշկները նրա առողջական վիճակը գնահատել են ծանր:
Փրկարարները հոսանքազրկել են «Opel Astra» մակնիշի ավտոմեքենան, փակել գազի բալոնի փականը, դուրս բերել դիերը և մոտեցրել շտապօգնության ավտոմեքենային։
Նախարարությունից տեղեկացնում են, որ Իջևան քաղաքի բժշկական կենտրոն են դիմել «BMW X5» մակնիշի ավտոմեքենայի վարորդ Մ․ Ղ․-ն, ուղևորներ Կ․ Ա․-ն (ծնված 1994 թ.) և Ն․ Խ․-ն (ծնված 2000 թ.)․ բժիշկները Ն․ Խ․-ի առողջական վիճակը գնահատել են բավարար, իսկ Մ․ Ղ․-ն և Կ․ Ա․-ն տեղափոխվել են Երևանի «Էրեբունի» ԲԿ։
ԽՈՐՀՈւՐԴ Է ՏՐՎՈւՄ ԿԱՐԴԱԼ
