Աշխարհի նախկին առաջին ռակետ, Grand Slam մրցաշարերի ութակի չեմպիոն Անդրե Աղասին, խոսելով Ռոջեր Ֆեդերերի մասին, նշել է, որ 37-ամյա շվեյցարացին անձամբ պետք է որոշի՝ երբ է հարմար ավարտել կարիերան:
«Երբ ես ավարտեցի կարիերաս, դա անելուց բացի այլ տարբերակներ պարզապես չունեի: Յուրաքանչյուր մարզիկի մոտ գալիս է պահ, երբ նրա մարմինն այլևս չի դիմանում ծանրաբեռնվածությանը:
Ֆեդերերն այնքան շատ բան արել մեր մարզաձևի զարգացման համար: Նա արժանի է հեռանալ այն պահին, երբ անձամբ հարմար կգտնի: Ինքս դեռ մի քանի տարի առաջ դադարել եմ կանխատեսել, թե երբ Ֆեդերերը կավարտի կարիերան:
Ինչպե՞ս կարելի է հաղթել Ֆեդերերին: Միակ տարբերակն ԱՄՆ-ի Բաց առաջնության ժամանակ ցույց է տվել Միլմանը: Ռոջերն այդ խաղի ընթացքում մտածում էր ոչ թե Միլմանին հաղթելու մասին, այլ մրցաշարում, իսկ Ջոնը շատ ագրեսիվ էր և անընդհատ ռիսկի էր դիմում»,- Աղասիի խոսքերը մեջբերել է Tennis World USA պարբերականը:
Հաղորդում է armsport.am-ը։
ԽՈՐՀՈւՐԴ Է ՏՐՎՈւՄ ԿԱՐԴԱԼ
