Կատալոնական «Բարսելոնա»-ի գլխավոր մարզիչ Էռնեստո Վալվերդեն ԱՄՆ շրջագայության ընթացքում կայանալիք «Նապոլի»-ի հետ խաղից առաջ պատասխանել է լրագրողների հարցերին: Այս մասին հայտնում է Sport.es-ը:
«Բարսելոնա»-ի գլխավոր մարզիչն անդրադարձել է նաև ֆրանսիական ՊՍԺ-ի հարձակվող Նեյմարին, որի անունը վերջին շրջանում հաճախ է կապվում «Բարսելոնա» տեղափոխության հետ:
«Նեյմարը այժմ ՊՍԺ-ի ֆուտբոլիստ է: Կարող եմ խոսել իմ թիմի ֆուտբոլիստերի մասին, իսկ ինչ վերաբերում է Նեյմարին, ապա ես ոչինչ հստակ ասել չեմ կարող»,- ասել է իսպանացի մասնագետը:
Ավելի վաղ տեղեկացրել էինք, որ Նեյմարը զանգահարել է «Բարսելոնա»-ի առաջատար Լիոնել Մեսսիին ու խնդրել վերջինիս իր տեղափոխությունն իրականացնելու համար զրուցել «Բարսելոնա»-ի նախագահ Խոսեպ Մարիա Բարտոմեուի հետ:
