ՀՀ ԿԳՄՍՆ Facebook-ի պաշտոնական էջում գրված է․
«2020 թ. դեկտեմբերի 19-ին՝ ժամը 13:00-ին (EST), տեղական ժամանակով 22:00-ին տեղի կունենա «Աջակցենք Արցախի երեխաներին և ընտանիքներին» խորագրով բարեգործական համերգը, որը կհեռարձակվի այստեղ:
Համերգի կազմակերպիչն է «Հայերի համաշխարհային ասոցիացիան» (AWA, Վաշինգտոն), ԱՄՆ-ում ՀՀ դեսպանության հովանու ներքո, «Կադանս» երաժշտական կենտրոնի և Արամ Խաչատրյանի տուն-թանգարանի համագործակցությամբ:
Համերգին մասնակցում են Հասմիկ Պապյանը, Արմինե Գրիգորյանը, Կարեն Շահգալդյանը, Սոնա Բարսեղյանը, Նարեկ Կազազյանը, Հասմիկ Բաղդասարյան֊Դոլուխանյանը, «Կադանս» անսամբլը /Սոֆի Միքայելյան, Հակոբ Ջրաղացպանյան, Վարազդատ Խաչումյան, Բորիս Եգանյան, Գուրգեն Ամիրյան/։ Համերգը վարում են Կարեն Քոչարյանը և Դիանա Մալխասյանը։
Նվիրատվությունների 100%-ն ուղղվելու է անմիջապես Արցախի երեխաներին և ընտանիքներին, ինչի վերաբերյալ տեղեկությունները կհրապարակվեն «Հայերի համաշխարհային ասոցիացիայի» (AWA) սոցիալական ցանցերի էջերում»:
https://www.facebook.com/MoESCS.Armenia/posts/3085156075044999?__cft__%5B0%5D=AZWoF0yqZYdr1hlBINd0oi8N9dD6PEIK9uJC1hTwKZiXP7p3eSazEL1U4wtxfOaEzVoi8EtGOqTTIP7z_YLKS_zzk5876IxTrtp9K7cAhHL24F7rp_4bJXzlHRxwqZssqOSLQjSAyqLmdXclGQg37muP&__tn__=%2CO%2CP-R