CNN-ի հաղորդմամբ՝ Ռուսաստանի Դաշնության և Միացյալ Նահանգների նախագահներ Վլադիմիր Պուտինի և Ջո Բայդենի հանդիպումը կկայանա հունիսի 15-16-ը Ժնևում:
Վարչակազմի պաշտոնյաները հայտնել են, որ Ժնևը վերջնականապես հաստատվել է որպես հյուրընկալող քաղաք երկու երկրների ղեկավարների երկար քննարկված հանդիպման համար, որն, ինչպես սպասվում է, տեղի կունենա հունիսի 15-16-ը Բայդենի առաջին արտասահմանյան ուղևորության ավարտին»:
ԱՄՆ նախագահը Եվրոպայում կլինի հունիսի կեսերին՝ մասնակցելու Մեծ յոթնյակի ու ՆԱՏՕ-ի գագաթնաժողովներին: Մեծ յոթնյակի հանդիպումը տեղի կունենա հունիսի 11-13-ը Մեծ Բրիտանիայում, իսկ Հյուսիսատլանտյան դաշինքի կազմակերպության հանդիպումը` հունիսի 14-ին Բրյուսելում: