Աշխարհի ամենահարուստ մարդը՝ Amazon-ի հիմնադիր Ջեֆ Բեզոսը, հայտարարել է, որ իր եղբոր հետ հուլիսի 20-ին իր Blue Origin ընկերության New Shepard-ով տիեզերք կթռնի:
Նա նշել է, որ փոքր տարիքից է երազում թռնել տիեզերք։
«Հինգ տարեկանից ես երազում էի թռնել տիեզերք: Հուլիսի 20-ին ես եղբորս հետ կսկսեմ այդ ճանապարհը: Ամենամեծ արկածը` իմ լավագույն ընկերոջ հետ»,- գրել է նա։Ավելի վաղ Blue Origin-ն աճուրդի էր հանել հուլիսի 20-ին թռնող New Shepard տիեզերանավի վրա գտնվող մեկ ուղեւորի նստատեղը: Միակ ուղեւորի նստատեղի վերջնական ճակատագիրը կորոշվի հունիսի 12-ին՝ իրական ժամանակում առցանց աճուրդի ժամանակ:
Blue Origin ընկերությունը հայտարարել է, որ Բեզոսը թռնելու է աճուրդի հաղթողի հետ:
Blue Origin-ը New Shepard տիեզերանավի 15 փորձնական թռիչք է իրականացրել, որոնցից վերջինը` ապրիլի կեսերին:
Այս մասին տեղեկանում ենք «ՌԻԱ Նովոստի»-ից:
