Բոլիվիայի ժամանակավոր նախագահ Ժանին Անյեսն աշխատանքից ազատել է կառավարությանը: Այս մասին տեղեկացնում է Բոլիվիայի պետական հեռուստառադիոն:
«Նախագահ Ժանին Անյեսը կառավարման սկզբում դրած նպատակների նվաճման համար կառավարության նոր կազմը կհաստատի կարճ ժամկետներում»,-ասված է հաղորդագրության մեջ:
Ավելի վաղ սեփական նախաձեռնությամբ աշխատանքից ազատվել էր կապի նախարար Ռոքսանա Լիսարագան, որը համաձայն չէր նախագահի` գալիք ընտրություններում թեկնածություն ներկայացնելուն:
Հիշեցնենք, որ Բոլիվիայի նախագահ Էվո Մորալեսը գրեթե 14 տարի իշխանության լինելուց հետո 2019 թվականի նոյեմբերին հրաժարական էր տվել: