«Բռունցքդ բեր» նախաձեռնությունը գրառում է արել, որում ասվում է.
«Համերաշխություն ու զորակցություն ենք հայտնում Հայաստանի Հանրապետության ինքնիշխանության, անվտանգության և իրավունքների համար պայքարողներին:
Դատապարտում ենք գործող վարչակազմի հրահանգով ուժային կառույցների կողմից ՀՀ քաղաքացիների խաղաղ հավաքների, տեղաշարժի, արտահայտման ազատությունների և բիրտ գործողություններով իրավունքների ոտնահարման դեպքերը, այդ թվում լրագրողների մասնագիտական աշխատանքը խոչընդոտելը: Այս գործելաոճով վարչակազմը հարվածում է Հայաստանի Հանրապետության ժողովրդավարական համբավին:
Միևնույն ժամանակ կոչ ենք անում վարչակազմի զիջողական քաղաքականության դեմ պայքարող քաղաքացիներին զերծ մնալ քաղաքացիների և իրավապահ մարմինների ներկայացուցիչների հետ ընդհարումներից, չտրվել սադրանքների, որոնք կարող են վնասել Հայաստանի Հանրապետության իրավականությանը:
Հորդորում ենք բոլորին համերաշխության եզրեր գտնել և թույլ չտալ որևէ տեսակի բախումներ ու արտաքին միջամտություն, որոնք մեր պետության առաջ ծառացած սպառնալիքներն ու ռիսկերն էլ ավելի կխորացնեն:
Հավատում ենք, որ ողջախոհությունն ու իրատեսությունը կհաղթի պոպուլիզմին և պաթոսին հանուն Հայաստանի Հանրապետության շահերի:
#համերաշխություն #ինքնիշխանություն #անվտանգություն #իրավունքներ
#ԵրկրիՏեր #ԲռունցքդԲեր #ԲռունցքդՎեր»: