Պերուի հավաքականի հետ խաղում կրած պարտությունից հետո Չիլիի ազգային հավաքականի դարպասապահ Գաբրիել Արիասը սպառնալիքների պատճառով ջնջել է իր Instagram-ի պաշտոնական էջը/
Ամերիկայի Գավաթի խաղարկության կիսաեզրափակչում թույլ տրված սխալների պատճառով 31-ամյա դարպասապահը բազմաթիվ վիրավորանքներ և մահացու սպառնալիքներ է ստացել իր և ընտանիքի հասցեին:
Մասնավորապես, Արիասն առաջին խաղակեսի վերջնամասում լքեց տուգանային հրապարակի սահմանները, որպեսզի ընդհատի եզրային պաշտպան Անդրե Կարիլյոյի անցումը աջ եզրով, սակայն վերջինիս հեշտ շրջանցեց Պերուի ֆուտբոլիստը և գոլային փոխանցում կատարեց Յոսիմար Յոտունային, որը երկրորդ գնդակը խփեց Չիլիի հավաքականի դարպասին: