Ապրիլի 23-ին, ժամը 02:03-ին 911 ծառայությանը տեղեկություն է հաղորդվել, որ Երևան քաղաքի Հերացու փողոցում՝ թունելի մոտակայքում, տեղի է ունեցել ՃՏՊ, ավտոմեքենաներից մեկից ծուխ է նկատվում. անհրաժեշտ է փրկարարների օգնությունը:
Դեպքի վայր է մեկնել ԱԻՆ ՓԾ հրշեջ-փրկարարական ջոկատից մեկ մարտական հաշվարկ:
Պարզվել է, որ Երևան քաղաքի Հերացու փողոցի թիվ 1 հասցեում բախվել են «Kia Forte» մակնիշի (վարորդ՝ Ս.Ե., ծնված 1984 թ.) և «Subaru Legacy B4» մակնիշի (վարորդ՝ Հ.Վ., ծնված 1986 թ.) ավտոմեքենաները. տուժածներ չկան: Ծխացել է «Subaru Legacy B4» մակնիշի ավտոմեքենայի շարժիչի հատվածում թափված յուղը:
Փրկարարները հոսանքազրկել են ավտոմեքենաները, փակել գազի բալոնների փականները և կատարել «Subaru Legacy B4» մակնիշի ավտոմեքենայի շարժիչի հովացման աշխատանքներ:
Այս մասին տեղեկանում ենք ՀՀ ԱԻՆ պաշտոնական կայքից։
![](https://azat.tv/wp-content/uploads/2022/09/azattvlogoblack.png)