Մայիսի 10-ին, ժամը 02:54-ին 911 ծառայությանն ահազանգ է ստացվել, որ Երևան քաղաքի Հերացու փողոցի թիվ 4 շենքի մոտակայքում տեղի է ունեցել ՃՏՊ, բախվել են ավտոմեքենաներ, կան տուժածներ. անհրաժեշտ է փրկարարների օգնությունը:
Դեպքի վայր է մեկնել ԱԻՆ ՓԾ հրշեջ-փրկարարական ջոկատից մեկ մարտական հաշվարկ:
Պարզվել է, որ «Mercedes CLS 350» մակնիշի ավտոմեքենան (վարորդ՝ Ա.Ա.) բախվել է ճամփեզրին կայանած «Ford» մակնիշի ավտոքարշակին (վարորդ՝ Ա.Ս.):
Մինչ փրկարարների` կանչի վայր հասնելը, «Mercedes CLS 350» մակնիշի ավտոմեքենայի ուղևոր Յ.Կ.-ն (ծնված 1983 թ.) հոսպիտալացվել է «Էրեբունի» ԲԿ, որտեղ ստանալով համապատասխան բուժօգնություն՝ դուրս է գրվել։
«Ford» մակնիշի ավտոմեքենայի վարորդ Ա.Ս.-ն հոսպիտալացվել է «Սուրբ Գրիգոր Լուսավորիչ» ԲԿ, որտեղ բժիշկները տուժածի առողջական վիճակը գնահատել են բավարար:
Փրկարարները հոսանքազրկել են «Mercedes CLS 350» մակնիշի ավտոմեքենան:
Այս մասին տեղեկանում ենք ՀՀ ԱԻՆ պաշտոնական կայքից։