Հինհռոմեական ամֆիթատրոնի մուտքի ամենաէժան տոմսի արժեքը 2019 թվականի նոյեմբերի 1-ից 12 եվրոյից 14 եվրո է դառնալու:
Թատրոնի արենան և հանդիսատեսի համար նախատեսված տարածքը տեսնելու հնարավորության համար զբոսաշրջիկները նախկին 14 եվրոյի փոխարեն կվճարեն 18 եվրո:
Կոլիզեումի մուտքի բոլոր տոմսերը կներառեն նաև Հռոմի ֆորում և Պալատինյան բլուր այցի հնարավորություն: Սակայն, եթե այժմ նշված տոմսերն ուժի մեջ են երկու ամբողջ օր, ապա նոյեմբեր ամսից տոմսը հնարավոր կլինի օգտագործել միայն մեկ օրվա ընթացքում:
Ըստ նոր համակարգի կանոնների` զբոսաշրջիկները ստիպված պետք է լինեն գնել ավելի թանկ տոմս` 18 եվրոյով, եթե ցանկանում են ընդլայնել իրենց այցելությունների շրջանակը դեպի խոշոր հնագիտական հուշարձաններ երկու օրվա ընթացքում:
Կոլիզեումի մուտքն ազատ կլինի 18 տարեկանից ցածր անձանց, ինչպես նաև որոշ մանկավարժների և ուսանողների համար: Եվրամիության երկրների` 18-ից 25 տարեկան քաղաքացիների համար մուտքի տոմսի արժեքը կկազմի 2 եվրո:
Տարվա որոշակի օրերի Կոլիզեումի մուտքն ազատ կլինի բոլորի համար: