Երևանի ընդհանուր իրավասության դատարանը՝ դատավոր Կարեն Ֆարխոյանի նախագահությամբ, մերժեց ԱԱԾ նախկին տնօրեն Արթուր Վանեցյանի դեմ Դանիել Իոաննիսյանը բողոքի գործով որոշումը՝ բողոքի անհիմն լինելու պատճառաբանությամբ:
Նշեենք, որ եթե այսօր դատարանը որոշեր բավարարել Իոաննիսյանի բողոքը, ապա ՀՔԾ-ն պետք է անմիջապես քրեական գործ հարուցեր Արթուր Վանեցյանի նկատմամբ՝ պաշտոնեական դիրքն ու լիազորությունները չարաշահելու դեպքի առիթով և պետք է քննություն իրականացներ:
Հիշեցնենք, որ Արթուր Սաքունցն ու Դանիել Իոաննիսյանը ԱԱԾ-ի դեմ հաղորդում էին ներկայացրել, քանի որ ՀՔԾ-ն մերժել էր Ազգային Անվտանգության ծառայության նախկին տնօրեն Արթուր Վանեցյանի դեմ քրեական գործ հարուցել: Բողոքի հիմքում Գարեգին Միսկարյանի այն գրառումն էր, որտեղ նշվել էր, որ Արթուր Վանեցյանի ընտանիքը ծաղկի բիզնես ունի:
Դրանից հետո Ազգային անվտանգության ծառայությունից քաղաքացի Գարեգին Միսկարյանին ԱԱԾ բլանկով ծանուցում էին ուղարկել՝ պահանջելով, որ հերքի իր գրառման մեջ եղած տեղեկությունները: Դանիել Իոաննիսյանը սրանում քաղաքացուն լռեցնելու և միտում էր տեսել:
Քննությունը ավարտվել էր երեկ, դատարանը լսել էր բոլոր կողմերին, գնացել էր խորհրդակցական սենյակ:
ԽՈՐՀՈւՐԴ Է ՏՐՎՈւՄ ԿԱՐԴԱԼ
