Հայաստանի Հանրապետության Ազգային ժողովի «Քաղաքացիական պայմանագիր» խմբակցության պատգամավոր Վահագն Ալեքսանյանը Facebook-ի իր էջում անդրադարձել է այն թեզի շրջանառմանը, թե «Նիկոլը հողերը տվել ա, կռվելն անիմաստ ա»։
- ԱՄՆ-ն դեմ է ցանկացած միակողմանի գործողության, հատկապես՝ Ադրբեջանի կողմից․ Բլինքենը՝ ԼՂ հակամարտության մասին
- Արարատ Միրզոյանը հանդիպել է Հնդկաստանի վարչապետին
«Երեկ լսեցի պատերազմում զոհված հերոսների ծնողներից մի քանիսի ելույթը ընդդիմադիրների ցույցի ժամանակ։
Կարմիր թելով անցնում էր միտքը․ «Տղաս ասաց, որ իրեն ասել են, որ Նիկոլը հողերը տվել ա, կռվելն իմաստ չունի»։
Ու նման պնդում անում են նաև շատ ողջ մնացած տղաներ, պնդում են, որ իրենց ևս փորձել են համոզել դրանում, շատ դեպքերում հաջողել են, շատ դեպքերում՝ ոչ։
Պատրաստվում եմ առաջարկել, որպեսզի քննիչ հանձնաժողովը լսի բոլոր նման պնդում անող տղաներին, քննի, թե ումից են լսել այդ պնդում, ո՞վ է տարել այդ դավաճանական քարոզը պատերազմի ժամանակ, ու՞մ հարազատը՝ եղբայրը, որդին, բարեկամը, ու փորձել հասկանալ, թե այդ քարոզը տարածների հարազատներն ու բարեկամները կամ ինքն անձամբ, օրինակ՝ նոյեմբերի 9-ին եղե՞լ է շենքեր գրավող խմբի մեջ, հիմա ներգրավվա՞ծ են ընդդիմության «ազգափրկման» շարժման մեջ։
Էս ամենի սարսուռը նրանում է, որ նույն դավաճանական քարոզով, որով փորձել են խաբել ու պարտության ու կորուստների տանել տղաներին, հիմա նույն քարոզը անում են այդ տղաների ծնողների մեջ։
Ցանկացած մեկը, ով պատերազմի ժամանակ փորձել է զինվորին համոզել, որ վարչապետը կամ ուրիշ մեկը հողերը տվել է, կռվելն իմաստ չունի կա՛մ վարձատրվել է Ադրբեջանի կողմից, կա՛մ վարձատրվել է մի ուրիշ կենտրոնից, որը գտնում էր, որ պատերազմում Հայաստանի պարտությունը իր համար պատուհաններ է բացում։ Ու բոլոր նմանները պիտի պատասխան տան», – գրել է Ալեքսանյանը։
ԽՈՐՀՈւՐԴ Է ՏՐՎՈւՄ ԿԱՐԴԱԼ
