Տավուշի մարզի Դիլիջան «Կազաչի» հատվածում բռնկված հրդեհը նոյեմբերի 26-ի՝ ժամը 10։30-ի դրությամբ, հաջողությամբ մեկուսացվել է։ Սակայն Նավուր բնակավայրի մոտակայքում, Դիլիջանի ոլորաններին հարակից անտառում և «Լեռնային Արմենիա» հյուրանոցի մոտակայքում հրդեհաշիջման աշխատանքները դեռ շարունակվում են։ Հրդեհը հիմնականում տարածվել է խոտածածկ հատվածում, իսկ տարածքում մեծաքանակ ծառեր չեն այրվել։ Արձանագրվել են միայն ջերմահարումներ։ Հրդեհի տարածումը դեպի տներ և առողջարան կանխվել է, ինչը մեծ հաջողություն է համարվում։
Ընդհանուր առմամբ, հրդեհաշիջման աշխատանքներին ներգրավված են 669 փրկարարական ծառայող, 215 էկոպարեկ և բնակիչներ։ Աշխատանքներին աջակցելու նպատակով օրվա ընթացքում ՊՆ ուղղաթիռով իրականացվել է 22 թռիչք։ ՆԳՆ փրկարար ծառայությունը հորդորում է հետևել միայն պաշտոնական լրահոսին և խստորեն պահպանել հրդեհային անվտանգության կանոնները։ Հրդեհ կամ ծուխ նկատելու դեպքում անհրաժեշտ է անհապաղ զանգահարել 911։