Դուբայում նախատեսվում է կառուցել գերնեղ երկնաքեր՝ ոչ ավելի, քան մեկ բնակարան տրամագծով:
Muraba Veil-ը 380 մ բարձրություն կունենա, բայց կունենա ընդամենը մոտ 23 մ լայնություն: 73 հարկանի աշտարակը կունենա 131 բնակարան՝ երկուսից հինգ ննջասենյակներով, հաղորդում է CNN-ը՝ վկայակոչելով Muraba նախագծի կառուցապատողին։ Շքեղ բնակելի թաղամասը կներկայացնի «խնամքով ընտրված ժամանցի օբյեկտների շարք», ներառյալ սպա, ռեստորան, պատկերասրահ, թենիսի կորտ և մասնավոր կինոթատրոն:
Ցնցող աշտարակը կկառուցվի Դուբայի գլխավոր տրանսպորտային զարկերակի՝ Շեյխ Զայեդ ճանապարհի երկայնքով ջրանցքի կողքին: Այն նախագծվել է իսպանական RCR Arquitectes ճարտարապետական ընկերության կողմից, որը հեղինակավոր Pritzker Prize մրցանակի դափնեկիր է, մրցանակ, որը հաճախ անվանում են «Ճարտարապետության Նոբելյան մրցանակ»:
Muraba Veil-ը կավարտվի մինչև 2028 թվականի դեկտեմբեր:
Ավելորդ է ասել, որ քաղաքի շքեղ տարածքում բնակարանները էժան չեն, գները սկսվում են 4,9 միլիոն դոլարից:
Յուրաքանչյուր բնակարան կտարածվի շենքի ողջ լայնությամբ և կմոդելավորվի արաբական ավանդական տների օրինակով, բակի շուրջը և «պարփակված ստվերով և կանաչով»:
Միաժամանակ, շենքի դիզայնը «բացահայտվում է մի շարք շերտերի հետևում», որոնցից առաջինը «շղարշն» է, որը ստեղծագործական թիմը նկարագրում է որպես «չժանգոտվող պողպատից հատուկ ցանց, որն արտացոլում է երկնքի տարբեր երանգները»:
Համաձայն Բարձրահարկ շենքերի խորհրդի տվյալների՝ ներկայումս Դուբայում ավելի քան 300 մետր բարձրությամբ աշտարակներներն ավելի շատ են, քան աշխարհի ցանկացած այլ քաղաքում:
ԽՈՐՀՈւՐԴ Է ՏՐՎՈւՄ ԿԱՐԴԱԼ
