ԵՄ արտաքին ծառայության մամուլի գրասենյակը պատասխանել է Հայաստանում կազմակերպության առաքելության վերաբերյալ «Լուրերի» այն հարցին, թե արդյոք Հայաստանում ԵՄ քաղաքացիական առաքելությունը արձանագրել և զեկուցե՞լ է Սյունիքի մարզի Տեղ գյուղի վարչական տարածք ադրբեջանական ուժերի ներխուժումը:
Պատասխանում ասվում է. «Հայաստանում ԵՄ առաքելությունը իր մանդատի իրականացման շրջանակներում ապրիլի 11-ի առավոտյան կանոնավոր պարեկություն է իրականացրել Տեղ և Կոռնիձոր գյուղերի տարածքում, սակայն միջադեպի ժամանակ դեպքի վայրում չի եղել: Ուշ երեկոյան Հայաստանի իշխանությունները առաքելությանը տեղեկացրել են կրակոցների մասին»։