European Union in Armenia-ն Facebook-ի էջում գրառում է կատարել։ Գրառման մեջ նշվում է, որ մայիսի 13-ին ԵՄ դեսպան Անդրեա Վիկտորինը տեսակապի միջոցով հանդիպում ունեցավ ՀՀ աշխատանքի և սոցիալական հարցերի նախարար Զարուհի Բաթոյանի հետ։
«Դեսպանը և նախարարը քննարկեցին ՔՈՎՒԴ-19 համավարակի հետևանքով տուժած ընտանիքներին և բնակչության խոցելի խմբերին տրամադրվող ՀՀ կառավարության աջակցությունը։
Նախարար Բաթոյանը գնահատեց ԵՄ աջակցության արագ մոբիլիզացումը մասնավորապես՝ ՀՀ մարզերում, ինչպես նաև ակնկալվող կարևոր հավելյալ միջոցները, որոնք կօգնեն կառավարությանը վերականգնմանն ուղղված միջնաժամկետ պլանների իրականացման գործընթացում։
Նախարարը դեսպանին ներկայացրեց սոցիալական պաշտպանության ոլորտի զարգացման ռազմավարության ներկա փուլը, ինչպես նաև գենդերային բռնության վերաբերյալ իրազեկվածության բարձրացմանն ու կանխարգելմանն ուղղված կառավարության ջանքերը։ Երկուստեք կարևորվեց քաղաքացիական հասարակության հետ սերտ աշխատանքը։ Դեսպան Վիկտորինը գոհունակություն հայտնեց կորոնավիրուսային համավարակի արձագանքման շրջանակում ՀՀ աշխատանքի և սոցիալական հարցերի նախարարի և նախարարության աշխատակիցների կողմից ջանքեր ներդնելու և կարիքի մեջ հայտնված խմբերին օգնելու առիթով»,- ասված է գրառման մեջ։
https://www.facebook.com/eudelegationtoarmenia/posts/2970768289643747