Եվրամիության և Ուկրաինայի ղեկավարները հոկտեմբերի 12-ին Կիևում անցկացվելիք գագաթնաժողովում մտադիր են համաձայնագիր ստորագրել ընդհանուր օդային տարածքի մասին: Այս մասին հայտնել է Bloomberg-ը։
ԵՄ-ի և Ուկրաինայի ղեկավարները Կիևում նաև համաձայնագիր կստորագրեն ուկրաինական գազի և էլեկտրաէներգիայի շուկաների բարեփոխումներն արագացնելու և երկրի տնտեսությունը Եվրամիությանն ինտեգրելու համար աշխատանքային խումբ ստեղծելու մասին:
Ըստ աղբյուրի՝ կողմերը պետք է պայքարեն այն կողմերի դեմ, որոնք «գազն օգտագործում են որպես ճնշման գործիք»։
