Վերջին շրջանում կորոնավիրուսի թվերը շարունակում են աճել, դրանով էլ պայմանավորված ուսումնական հաստատությունները, փորձելով գնահատել հնարավոր ռիսկերը, ուսուցումը հեռավար թե առկա եղանակով կազմակերպելու հնարավորությունն են ուսումնասիրում եւ փորձում գտնել ճիշտ լուծում:
«Հայկական ժամանակի» հետ զրույցում ԵՊՀ մամուլի խոսնակ Գեւորգ Էմին Տերյանը նշել է, որ կորոնավիրուսային համավարակի ներկա իրավիճակով պայմանավորված՝ Երեւանի պետական համալսարանն այսօրվանից մեծամասամբ անցնում է հեռավար ուսուցման։
Նա նաև նշել է, որ ԵՊՀ-ում դասախոսությունները կարվեն հեռավար, իսկ գործնական պարամունքները՝ կամ առկա կամ հեռավար: Դա թողնված է ֆակուլտետների հայեցողությանը:
Հայաստանի պետական մանկավարժական համալսարանում ու Պոլիտեխնիկական համալսարանում եւս փոփոխություններ չկան. դասերը շարունակվելու են իրականացվել հիբրիդային եղանակով ՝ հեռավարի եւ առկայի համադրությամբ:
ԽՈՐՀՈւՐԴ Է ՏՐՎՈւՄ ԿԱՐԴԱԼ
