ՀՀ ներքին գործերի նախարարության ոստիկանությունը Երևանում ավելի քան 140 քաղաքացու է բերման ենթարկել։ Այս մասին հայտնում են ՀՀ ՆԳՆ ոստիկանության մամուլի ծառայությունից։
«Ժամը 10-ի դրությամբ Երևանում ՎԻՎ օրենսգրքի 182 հոդվածով (Ոստիկանության օրինական պահանջը չկատարելը) նախատեսված արարքի համար ոստիկանություն է բերվել ակցիայի 142 մասնակից»,-նշել են ՆԳՆ-ից։
Հավելենք, որ Երևանում վաղ առավոտից սկսվել են անհնազանդության ակցիաներ, փակվել են բազմաթիվ փողոցներ, տեղի են ունեցել անկարգություններ, ուժայինների հետ քաշքշուկ, այնուհետ բերման են ենթարկել քաղաքացիներ։
Հանրապետության հրապարակում ոստիկանական մեծ ուժեր են կուտակվել։
