Այս գիշեր Չեմպիոնների Լիգայի 1/8-րդ եզրափակչի շրջանակներում ՊՍԺ-ն ու Մադրիդի «Ռեալը» անցկացրին իրենց պատասխան հանդիպումը։ «Ռեալը» հաղթեց 3-1 հաշվով ու դուրս եկավ 1/4-րդ եզրափակիչ։
Խաղի մրցավարությունից դժգոհ է մնացել ՊՍԺ-ի նախագահ Նասեր Ալ-Խելաիֆին, ով փորձել է գլխավոր մրցավարի սուլիչից հետո շտապել մրցավարների սենյակ ու անձամբ հայտնել իր դժգոհությունը։
Այս մասին գրում է Marca-ն։
Ըստ աղբյուրի՝ Խելաիֆինի բավական բարկացած է եղել ու ճանապարհին տարբեր առարկաների է հարվածել։ Նա մոլորվել է և հայտնվել ոչ թե մրցավարների սենյակում, այլ «Ռեալի» պատվիրակ Կառլոս Դավիլայի սենյակում, ով այդ իրավիճակը փորձել է նկարահանել հեռախոսով։
Նշվում է, որ սա էլ ավելի է հունից հանել ՊՍԺ-ի նախագահին, ով մոտեցել է պատվիրակին, բղավել՝ «Ես քեզ կսպանեմ», փորձել հարվածել, բայց նրա թիկնապահները կանգնեցրել են իրեն։
Marca-ից հայտնում են նաև, որ որոշ ժամանակ անց ֆրանսիական ակումբի մարզական տնօրեն Լեոնարդոն «Ռեալից» պահանջել է հեռացնել նկարահանված տեսանյութը, ինչը բավարարվել է։
