Հայաստանում ակտիվանում է ավիաշուկան։ Այս պահին կա հայկական գրանցման 7 ընկերություն՝ Aircompany Armenia-ն, Armenia airways-ը, FlyOne Armenia-ն, Shirak Avia-ն, NovAir-ը, Armenian Helicopters-ը և Skyball-ը։
Այս մասին տեղեկանում ենք 1lurer-ի պատրաստած ռեպորտաժից։
Նշված ընկերությունների մի մասն արդեն իսկ իրականացնում է միջազգային չվերթներ կամ էլ պատրաստվում է իրականացնել։
Ընդ որում՝ հատկանշական է այն, որ շուկայում նոր խաղացողների ի հայտ գալն ուղիղ կերպով կապված է տոմսերի արժեքների հետ։
Օրինակ, FlyOne Armenia ընկերության գլխավոր տնօրեն Միրչա Մալեկան նշում է, որ իրենց ընկերության ավիատոմսերի գինը սկսելու է 39 եվրոյից։
Նա նշում է, որ սկզբնական շրջանում չվերթներ են իրականացվելու դեպի Մոսկվա ու Թեհրան, ինչպես նաև ծրագրում են չվերթներ իրականացնել դեպի Լիոն։
Այս տարի նրանք գործելու են 2 ինքնաթիռով, բայց հաջորդ տարի արդեն դրանց թիվը կավելացվի։
Ընկերությունը նախատեսում է թռիչքների իրականացումը մեկնարկել նոյեմբեր-դեկտեմբեր հատվածում։
Ավելի մանրամասն՝ տեսանյութում։