HBO-ն հայտնի է իր գրավիչ, աղմկահարույց և բարձրորակ հեռուստածրագրերով, որոնք ամենատարբեր լսարանների համար են: Դրանցից են «Գահերի խաղը», «Չեռնոբիլ»-ը, որոնք տպավորում են ցանկացած դիտողի աշխարհի տարբեր ծայրերից։
Սակայն, բացի այս երկու հայտնի նախագծերից՝ HBO-ն ներկայացրել է մի շարք ոչ պակաս հեռուստանախագծեր, որոնք կներկայացնենք այս շարքում։
5 սերիալ, որոնք ֆուրոր են առաջացրել
- Մեծ փոքր սուտ (Big Little Lies), 2017 – այժմ
Մոնտերեյի հանգիստ քաղաքում սպանություն է տեղի ունեցել դպրոցական բարեգործական պարահանդեսի ժամանակ: Ոստիկանությունը հարցազրույց է վերցրել ներկաներից, բայց չի հայտնել զոհի անունը: Սերիալի սյուժեն մեզ տեղափոխում է անցյալ և պատմում է այն 5 ընտանիքների մասին, որոնց երեխաները սովորում են նույն դասարանում: Այս ընտանիքները բարդ հարաբերություններ ունեն, և բոլորն էլ խորհրդավոր կերպով կապված են սպանության հետ:
Սերիալը այնքան է կլանում, որ անկախ քեզնից սկսում ես պատկերացնել քեզ հերոսների փոխարեն և մտածել այն մասին, թե ինչպես կվարվեիր նրանց փոխարեն:
- Արևմուտքի վայրի աշխարհ (Westworld), 2016 – այժմ
Արևմուտքի վայրի աշխարհը ֆուտուրիստական զվարճանքի կենտրոն է, որտեղ նախագծված սմարթֆոնները կատարում են այցելուների յուրաքանչյուր քմահաճույք, որպեսզի նրանք լիարժեք ազատություն զգան իրենց բոլոր գործողություններում։
Նույնիսկ եթե ռոբոտը սպանվում է, ապա տեխնիկները այն նորոգում են, հիշողությունը ջնջում և վերադարձնում կենտրոն: Բայց մի անգամ համակարգում ինչ-որ բան փչանում է, և ռոբոտները դուրս են գալիս վերահսկողությունից:
Կոլորիտային սերիալ, որը դիտելու ընթացքում կարող եք վայելել Էնթոնի Հոփկինսի աննկարագրելի խաղը:
- Գահերի խաղը (Game of Thrones), 2011 – 2019թթ
Սա Երկաթյա գահի և Յոթ թագավորությունների համար պայքար է: Բոլորը՝ թագավորից մինչև վարձկան, ցանկանում են տիրանալ թագին, ստեղծում են ինտրիգներ և պատրաստ են նույնիսկ դանակով թիկունքից հարվածել: Մինչդեռ, ոչ ոք չի նկատում Հյուսիսւց եկող խավարը, և միայն պատ է պաշտպանում նրանց վտանգից:
Երևի թե չեն մնացել մարդիկ, որ չեն լսել «Գահերի խաղը» ֆիլմի մասին: Եթե այդ մարդկանցից եք, ուրեմն հաջողակ եք: Սերիալը ավարտվել է և պետք չէ տարիներ սպասել նոր սեզոնի համար, այլ մի շնչով կարող եք դիտել բոլոր մասերը:
- Չեռնոբիլ (Chernobyl), 2019թ․
Սերիալը պատմում է, թե ինչ է տեղի ունեցել Չեռնոբիլի ատոմակայանում տեղի ունեցած պայթյունից հետո:
Ատոմակայանի ղեկավարությունը Կրեմլին հավաստիացրել է, որ իրավիճակը վերահսկվում է, և ճառագայթման ֆոնը նորմալ է, բայց ակադեմիկոս Վալերի Լեգասովը չի հավատում այս խոսքերին։
Լեգասովը նախարարների խորհրդի փոխնախագահ Բորիս Շչերբինայի հետ մեկնում է Չեռնոբիլ ՝ տեղում պարզելու, թե ինչ է կատարվում:
Այս սերիալը ոչ միայն աղետի, այլև մարդկային հերոսության մասին է, այն մարդկանց մասին, որոնք զոհաբերեցին իրենց ՝ բոլորին փրկելու համար:
- Ճշմարիտ դետեկտիվ (True Detective), 2014 – այժմ
Առաջին սեզոնում երկու դետեկտիվները հետաքննում են աղջկա առեղծվածային սպանությունը, որը տեղի է ունեցել 1995թվականին: 2012-ին գործը վերաբացվում է, և ոստիկանությունը որոշում է ավելին իմանալ այս հանցագործության մասին՝ հարցաքննելով նաև նախկին դետեկտիվներին:
Երկրորդ սեզոնում Վինչիում սպանվում է քաղաքի կառավարման ղեկավարը: Երկու հետաքննողներին կցում են այս գործին: Բայց այն, ինչ սկսվում է որպես սպանություն, վերածվում է խարդախության և կեղծիքների։ Երրորդ սեզոնում դետեկտիվն ու քննիչը փորձում են պարզել մի խորհրդավոր հանցագործություն, որը երկարել է երեք տասնամյակ:
Կոլորիտային սերիալը դուր կգա բոլոր նրանց, ովքեր սիրում են հանելուկներ։
ԽՈՐՀՈւՐԴ Է ՏՐՎՈւՄ ԿԱՐԴԱԼ
