Ֆուտբոլի Հայաստանի հավաքականը տարին փակեց 101-րդ տեղում

Ֆուտբոլի միջազգային ֆեդերացիան այսօր հրապարակել է 2018թ դեկտեմբեր ամսվա դասակարգման աղյուսակը:

Հայաստանի հավաքականը պահպանել է իր դիրքը եւ Մավրիտանիայի հավաքականի հետ շարունակում է բաժանել 101-րդ հորիզոնականը:

Եվրո-2020-ում մեր ընտրանու մրցակիցներից առավել բարձր դիրք զբաղեցնում է Իտալիայի ազգային թիմը՝ 18-րդ հորիզոնական: Մեր մյուս մրցակիցներն այսպիսի տեղեր են զբաղեցնում.  34. Բոսնիա եւ Հերցեգովինա, 43. Հունաստան, 58. Ֆինլանդիա, 181. Լիխտենշտեյն:

ՖԻՖԱ-ի դասակարգման աղյուսակը շարունակում է գլխավորել Բելգիայի հավաքականը: Երկրորդ տեղում աշխարհի չեմպիոն Ֆրանսիան է:

1. Բելգիա՝ 1727 միավոր
2. Ֆրանսիա՝ 1726
3. Բրազիլիա՝ 1676
4. Խորվաթիա՝ 1634
5. Անգլիա՝ 1631
6. Պորտուգալիա՝ 1614
7. Ուրուգվայ՝ 1609
8. Շվեյցարիա՝ 1599
9. Իսպանիա՝ 1591
10. Դանիա՝ 1589