FX հեռուստաալիքը հանկարծակի կերպով դադարեցրեց «Անգլերենի ուսուցիչը» սիթքոմը՝ չնայած նրա բարձր գնահատականներին և երկրպագուների մեծ թվին։ Սերիալը, որի կենտրոնում էր Ավստին քաղաքի դպրոցում աշխատող անգլերենի ուսուցիչ Էվան Մարկեսը (Բրայան Ջորդան Ալվարես), համարվում էր ժամանակակից հեռուստատեսության լավագույն կատակերգական նախագծերից մեկը։ Դրա սուր հումորը, իրականությանն մոտ դրվագները և դերասանական կազմի համագործակցությունը առանձնահատուկ էին դարձնում նախագիծը։
Սերիալի ավարտի պատճառը դարձավ Ալվարեսի դեմ ներկայացված սեռական բռնության մեղադրանքները, որոնց մասին հաղորդում էր տվել նրա նախկին գործընկեր Ջոն Էբելինգը։ Մեղադրանքները վերաբերում են 2016թ․ դեպքերին՝ ինչպես անձնական, այնպես էլ նկարահանման հրապարակում։ Ալվարեսը հերքել է բոլոր մեղադրանքները, իսկ FX-ը չի հստակեցրել՝ արդյոք հենց այս սկանդալն է ազդել դադարեցման որոշման վրա։
Սերիալի հանկարծակի ավարտը մեծ ազդեցություն ունեցավ ինչպես դերասանական կազմի, այնպես էլ երկրպագուների վրա։ Շոուի երկու սեզոնները դեռ հասանելի են Hulu-ում, սակայն երկրպագուները և մասնագետները քննարկում են, թե ինչպիսի ազդեցություն կունենա այս սկանդալը հեռուստատեսության ոլորտի վրա և արդյոք նման դեպքերը կդառնան ավելի տարածված։