«Գանձասար» ֆուտբոլային ակումբը Հայաստանի ֆուտբոլային ֆեդերացիա է ներկայացրել հավաստագիր՝ Հայաստանի Առաջին խմբի առաջնությանը (2021-2022 մրցաշրջան) մասնակցելու նպատակով։
Այս մասին տեղեկանում ենք ՀՖՖ պաշտոնական կայքից։
Նշվում է, որ չնայած «Գանձասարը» չունի Առաջին խմբի առաջնությանը հանդես գալու ազգային արտոնագիր և ուշացումով է ներկայացրել մասնակցության հավաստագիրը, ֆեդերացիան միջնորդությամբ դիմել է ՀՖՖ Գործադիր կոմիտեի անդամներին՝ առաջարկելով ընդառաջել «Գանձասարին»՝ Առաջին խմբի առաջնությանը մասնակցելու հարցում:
Գործկոմի անդամները կողմ են քվեարկել ՀՖՖ միջնորդությանը։
Այսպիսով՝ «Գանձասարը» ներկայացված կլինի Հայաստանի Առաջին խմբի առաջնությունում։
Ավելի մանրամասն՝ այստեղ։