Հունիսի 17-ին՝ ժամը 10։56-ին, Գեղարքունիքի մարզային ճգնաժամային կառավարման կենտրոն ահազանգ է ստացվել, որ ավտոմեքենան հայտնվել է Արգիճի գետի մեջ. դուրս բերելու համար անհրաժեշտ է փրկարարների օգնությունը: Այս մասին հայտնել է ԱԻՆ-ը։
«Դեպքի վայր է մեկնել ԱԻՆ ՓԾ մարզային փրկարարական վարչության հրշեջ-փրկարարական ջոկատից մեկ մարտական հաշվարկ»,- ասվում է հաղորդագրության մեջ։
Նշվում է, որ հրշեջ-փրկարարները գետից դուրս են բերել «ՎԱԶ-2121» մակնիշի ավտոմեքենան (վարորդ՝ Վ․ Հ․ և 2 ուղևոր)։
