ԱՄՆ սպառողների անվտանգության հանձնաժողովը հայտարարել է «Granitestone Diamond Pro Blue» չժանգոտվող պողպատից պատրաստված թավաների լայնածավալ հետկանչի մասին։ «E Mishan & Sons» ընկերությունը հետ է կանչում շուրջ 740,000 միավոր արտադրանք՝ բռնակների կառուցվածքային թերության պատճառով։ Խնդիրը կայանում է նրանում, որ օգտագործման ընթացքում բռնակի մետաղյա կափարիչը կարող է գերտաքանալ և անսպասելիորեն պոկվել, ինչը լուրջ վտանգ է ներկայացնում սպառողների համար։
Ըստ պաշտոնական տվյալների՝ արդեն գրանցվել է բռնակների պոկման առնվազն 98 դեպք։ Առկա տեղեկություններով՝ առնվազն մեկ սպառող ստացել է այրվածքներ և կապտուկներ՝ թավայի անսարքության հետևանքով։ Հետկանչը վերաբերում է 10 և 11.5 դյույմանոց երկուական հավաքածուներին, որոնք վաճառվել են «Costco»-ի խանութներում և առցանց հարթակներում, ինչպես նաև «Walmart.com» և «Amazon.com» կայքերում՝ 2021 թվականի օգոստոսից մինչև 2026 թվականի փետրվարը։
Սպառողներին խորհուրդ է տրվում անհապաղ դադարեցնել թավաների օգտագործումը և կապ հաստատել արտադրողի հետ՝ ամբողջական գումարի վերադարձ ստանալու համար։ «E Mishan & Sons»-ը պահանջում է վերադարձնել հետ կանչված ապրանքները։ Գնորդներին հորդորում են ստուգել իրենց խոհանոցային պարագաները և համեմատել դրանք հայտարարված UPC համարի (0-80313-08131-6) հետ՝ անվտանգությունը երաշխավորելու համար։