Մադրիդի «Աթլետիկոյի» հարձակվող Անտուան Գրիզմանը նշել է, թե ում է համարում իր կարիերայի ամենաբարդ մրցակիցը:
«Կարիերայիս ամենաբարդ մրցակի՞ցը… Ես կնշեմ Ֆրենկի դե Յոնգին: Նրա դեմ խաղերում փորձել եմ ճնշում գործադրել, սակայն ոչինչ չի ստացվել»,- Գրիզմանի խոսքը մեջբերել է Goal.com-ը:
Անտուան Գրիզմանն ու Ֆրենկի դե Յոնգը խաղադաշտում երկու անգամ հանդիպել են Ազգերի լիգայի խմբային փուլի շրջանակում՝ Ֆրանսիայի և Հոլանդիայի հավաքականների խաղերի ժամանակ:
Հիշեցնենք, որ ամռանը Ֆրենկի դե Յոնգը տեղափոխվելու է «Բարսելոնա», որը «Այաքսից» գնել է ֆուտբոլիստի տրանսֆերը:
Հաղորդում է armsport.am-ը։