Գյումրին ու Նորվեգիայի Տելեմարկ կոմունայի կենտրոնական Կրագերո քաղաքը կնքել են քույր քաղաքների մասին պայմանագիր։
Այս մասին տեղեկանում ենք Գյումրու համայնքապետարանի Facebook-յան էջից։
«Պայմանագրի ստորագրման արարողությունը տեղի ունեցավ Գյումրու համայնքապետարանում:
Մինչ պայմանագրի ստորագրումը՝ կողմերը խոսեցին երկու քաղաքների միջև մինչ այս եղած կապերի, պայմանագրի ստորագրումից հետո համագործակցային ծրագրերի, դրանց շրջնակներում անհրաժեշտ աշխատանքների մասին:
Ողջույնելով ներկաներին՝ Գյումրի համայնքի ղեկավարի առաջին տեղակալ Արթուր Պապիկյանն իր խոսքում նաև նշեց. «Այս պայմանագրով ամրագրում ենք հետագա համագործակցությունը մեզ համար անչափ կարևոր ոլորտներում, ինչպիսիք են մշակույթ, սպորտ, կրթություն (ներառյալ արվեստ, երաժշտություն, շախմատ, պատմություն) և բիզնես ոլորտները։ Օրն այս նշանավորվում է նաև միսիոներ Բոդիլ Կատարինե Բիորնի հուշատախտակի բացմամբ, ում մարդասիրական գործունեությանը հիմք է հանդիսացել մեր երկուստեք հարաբերությունների ձևավորմանը»:
Ողջույնի և շնորհակալության խոսքով հանդես եկավ նաև Կրագերոյի քաղաքապետարանի գործադիր տնօրեն Դագ Վիլիեն Էրիկսենը», – ասված հաղորդագրության մեջ:
ԽՈՐՀՈւՐԴ Է ՏՐՎՈւՄ ԿԱՐԴԱԼ
