Հայազգի շախմատիստ Լևոն Արոնյանը օրերս նվաճեց հեղինակավոր Tata Steel մրցաշարի չեմպիոնի տիտղոսը։
Այս մասին նա գրառում է կատարել Facebook-ի իր էջում՝ հաղթանակը նվիրելով Հայաստանին և ոչ միայն։
- Tata Steel. Արոնյանը հաղթեց լարված պայքարում ու հռչակվեց չեմպիոն
- Մխիթարյանը շնորհակալություն է հայտնել Մոուրինյոյին ու թիմակիցներին
«Ես անչափ ուրախ եմ, որ հաջող հանդես եկա Հնդկաստանի Կալկաթա քաղաքում և կարողացա հաղթել կայծակնային շախմատի մրցաշարը:
Այս պահին, ինչպես աշխարհի յուրաքանչյուր հայ, իմ մտքերը իմ երկրի հետ են, և ես անհամբեր սպասում եմ այն օրվան, երբ իմ ազգը կկարողանա ապրել խաղաղության մեջ, վերակառուցել և վերախմբավորել այն ամենը, ինչ մենք գնահատում ենք:
Ես ուզում եմ իմ հաղթանակը նվիրել Հայաստանին, իմ բոլոր հայրենակիցներին, նրանց, ովքեր ընկան մարտի դաշտում Արցախի ու Հայաստանի համար, և նրանց, ովքեր ապրեցին ու պայքարում են մեր ազգի համար։ Իմ հաղթանակը նվիրում եմ մեր բոլոր հերոսներին և մեր քաջարի քույրերին ու մայրերին։
Քանի դեռ մենք հավատում ենք և ամուր կանգնած ենք մեր ոտքերի վրա, մենք անմահ ենք», – գրել է Արոնյանը:
