Առողջապահության համաշխարհային կազմակերպությունը որոշակի համեմատություն է ներկայացրել Օմիկրոն ու Դելտա շտամերի միջև։
Այս մասին հայտնում է France Presse-ը։
Նշվում է, որ Օմիկրոնը Դելտայից ավելի արագ է տարածվում, սակայն, ի տարբերություն Դելտայի, շատ ավելի քիչ վտանգավոր է։
Սակայն ԱՀԿ-ից նշել է, որ սա բավական նախնական եզրակացություն է ու Օմիկրոնը պահանջում է դեռևս նոր հետազոտություններ։
Հիշեցնենք, որ արդեն հայտարարվել էր՝ Օմիկրոն շտամի կողմից պատվաստանյութերի արդյունավետության նվազեցման մասին։
Նշենք նաև, որ Օմիկրոն շտամով վարակման դեպքեր հայտնաբերվել են արդեն 63 երկրներում։