ԵԱՏՄ կոլեգիայի ղեկավար Տիգրան Սարգսյանը հայտարարել է, որ հիմա աշխատանքներ են տարվում Միության անդամ պետությունների միջև ռոումինգի ծառայությունները վերացնելու, սովորական կապի անցնելու ուղղությամբ։ Այսօր ԱԺ-Կառավարություն հարցուպատասխանի ժամանակ պատգամավոր Վարդևան Գրիգորյանը հարցրեց, թե Հայաստանի Հանրապետությունից Արցախ և հակառակ ուղղությամբ ռոումինգից հրաժարվելու համար ի՞նչ է հնարավոր անել։
ՏԿՏՏ նախարար Հակոբ Արշակյանն ասաց, որ դա միաժամանակ միջպետական հարաբերությունների ու նաև երկու կողմերի կապի օպերատորների միջև հարաբերությունների հարց է: Իրենք աշխատում են այդ ուղղությամբ, որ հարցը լուծվի և՛ իրավական առումով, և՛ հնարավոր լինի իջեցնել ռոումինգի սակագինը։
Պատգամավորը բացատրեց, որ Հայաստան-Արցախի դեպքում հարցը ավելի հեշտ լուծելի է։ Արշակյանը ասաց, որ հիմա աշխատում են այդ ուղղությամբ, և ռոումինգի սակագները շարունակաբար նվազում են։
ԽՈՐՀՈւՐԴ Է ՏՐՎՈւՄ ԿԱՐԴԱԼ
