Հայաստանի ֆուտզալի հավաքականը կրկին հաղթել է ընկերական խաղում:
«Արմենպրես»-ի հաղորդմամբ` ֆուտզալի Հայաստանի ազգային հավաքականն երկրորդ ընկերական հանդիպումն անցկացրեց Լիբանանում՝ մրցելով ՍԺՀ (Սենտ-Ժոզեֆի համալսարան) «Սպորտս 1875» ակումբի հետ: Մեր հավաքականը հաղթեց 7:1 հաշվով: Գոլերի հեղինակներ դարձան Էդգար Կիրակոսյանը, Սարո Գալստյանը, Անդրանիկ Կարապետյանը, Սարգիս Մարգարյանը (2 գոլ), Խաչատուր Միքայելյանը և Տիգրան Վարդանյանը: