Մարտի 15-ին մեկնարկեց կիբերֆուտբոլի UEFA EURO 2020-ի որակավորման փուլը, հայտնում են ՀՖՖ պաշտոնական կայքից։
Կիբերֆուտբոլի Հայաստանի ազգային հավաքականը E խմբում զիջեց Սերբիայի և Ռուսաստանի հավաքականներին համապատասխանաբար 4։7 և 1։3 հաշվով, ինչպես նաև հաղթեց Մալթայի (5։0) և Բոսնիայի և Հերցեգովինայի (4։2) ընտրանիներին։
Խաղային առաջին օրվանից հետո Հայաստանի ընտրանին 6 միավորով կիսում է երկրորդ հորիզոնականը Բոսնիա և Հերցեգովինայի և Ռուսաստանի հավաքականների հետ։
E խմբի երկրորդ շրջանի հանդիպումները կկայանան ապրիլի 12-ին։