Ռուս բլոգեր Ալեքսանդր Լապշինը Facebook- իր էջում անդրադարձել է Հայաստանում հանրային տրանսպորտի խնդրին:
Լապշինը նշել է, որ այլ քաղաքներ գնալու համար նախկինում գործող «Կիլիկիա» ավտոկայանում ժամանակին եղել են կարգավարներ, դրամարկղ, մանկական սենյակ:
Բլոգերին զարմացրել է այն, որ այլ քաղաքներ գնալու համար ուղևորները ստիպված են սպասել այնքան, որ երթուղայինը լցվի:
«Արդյունքում ինձ հոգնեցրին այդ արկածները: Դա ինձ հիշեցրեց սև Աֆրիկան, որտեղ գտնվում էի մեկ ամիս առաջ: Ինչպես և Սենեգալի մայրաքաղաք Դաքարում ես ժամերով սպասում էի միկրոավտոբուսում, մինչ այն կշարժվեր: Բայց չէ՞ որ Հայաստանը Սենեգալ չէ»:
Իր գրառման վերջում ռուս բլոգերը կոչ է արել Երևան-Գյումրի երթուղին երկարացնել մինչև Վանաձոր:
https://www.facebook.com/permalink.php?story_fbid=137359134169591&id=100036865157039