Վստահ չեմ, որ Փարիզում հայկական կառույցների վրա կատարված երկու հարձակումները կապված են միմյանց հետ: Անդրադառնալով Ֆրանսիայում հայկական կառույցների վրա տեղի ունեցած հարձակումներին, ասաց Հայ Հեղափոխական Դաշնակցության բյուրոյի անդամ Մուրադ Փափազյանը:
«Nouvelles d’Arménie-ի տնօրենը համայնքում մեծ համարում ունի: Նա, Ֆրանսիայի հայկական կազմակերպությունների նախագահ Արա Թորանյանը և ես CCAF-ի` Ֆրանսիայի հայկական կազմակերպությունների համակարգող խորհրդի համանախագահ ենք, հետևաբար՝ այս միասնական կառույցի պատասխանատուներս հայ ժողովրդի թշնամիների համար թիրախ ենք»,-ասաց Փափազյանը:
- Հարձակում է կատարվել Ֆրանսիայում Սամուել-Մուրատյան հայկական վարժարանի դեմ
- Փարիզում Nouvelles d’Arménie հայկական ամսագրի խմբագրության վրա հարձակում է տեղի ունեցել
Փափազյանի խոսքով` Ֆրանսիայում հայ համայնքը կարծում է, որ Սամուել-Մուրադյան հայկական վարժարանի վրա կատարված հարձակման հետևում կանգնած են թուրքերը, ընդ որում` այս հանցագործությունը կատարվել է երկու նպատակով.
«Առաջին պատճառը տեղեկություններ հավաքելն է, երկրորդը` վախի մթնոլորտ ստեղծելը: Ցանկանում էին ցույց տալ, որ կարող են նաև ֆիզիկապես վնաս հասցնել: Վստահ կարող եմ ասել, որ Ֆրանսիայում թե՛ պատգամավորները, թե՛ կուսակցությունները, թե՛ մտավորական շրջանակների ներկայացուցիչները, թե՛ լրագրողները մեր կողքին են, սատարում են մեզ»,-նշեց Փափազյանը:
Աղբյուրը՝ Tert.am